MAA NAZAM BY JANAB RAZA SIRSVI SAHAB

 

Mout Ki Aaghosh Main Jab Thak Ke Soo Jati Hai Maa Tab Kaheen Ja Kar 'Raza' Thora Sukoon Pati Hai Maa

 

Fikr Main Bachoon Ki Kuch Is Terha Ghul Jati Hai Maa Nojawaan Hotay Huwe Boodhi Nazar Aati Hai Maa

 

Rooh Ke Rishtay Ki Yeah Gehrayean To Daikheye Chot Lagti Hai Humaray Aur Chillati Hai Maa

 

Oadthi hai hasrathoan ka khud to bosida kafan chahatoan ka payrahan bachoan ko pehnathi hai maa

 

Ek ek hasrath ko apne azm wo istekhal se Anso'oan se ghusl de ker khud hi dhafna thi hai maa

 

Bhuka rehne hi nahi dethi yateemon ko khabhi Jane kiskis se kahan se mang kar lati hai maa

 

Haddiyoon Ka Ras Pila kar Apnay Dil Ke Chain Ko Kitnee Hi Ratoon Mai Khali Pait Soo Jati Hai Maa

 

Jane Kitne Barf Si Ratoon Me Aysa Bhi Hua Bacha To Chaati Pe Hai Gelay Main Soo Jati hai Maa

 

Jab Khilone Ko Machalta Hai Koie Ghurbat Ka Phool Aansoon Ke Saaz Par Bachay Ko Behlati Hai Maa

 

Fiker Ke Shamshaan Me Aakhir Chitaoon Ki Terha Jaisai Sookhi Lakdeyaan, Is Terha Jal Jati Hai Maa

 

Bhook se majboor ho kar mahmaan kai samne mangtai bachche jab roti to sharmati hai Maa

 

Zindigi ki siskiyaan sun kar hoos ai shahar se Bhookai bachchoon ki giza apna kafan lati hai Maa

 

Muflisi bache ki zid par jab uthaleti hai haath Jaisai ho mujrim koi is tarha sharmati hai maa

 

Apnay Aanchal Se Gulabi Aansuoon Ko Poonch Kar Dair Tak Gurbat Pe Apne Ashk Barsati Hai Maa

 

samne Bachoon Ke Khush Rahti Hai Har Ik Haal Main Raat Ko Chup Chup Ke Laikin Ashk Bersati Hai Maa

 

Kab Zarurat Ho Meri Bachay Ko Itna Sooch Kar Jaagti Rehti Hain Aankhain Aur Soo Jati Hai Ma

 

Pehlay Bachoon Ko Khilati Hai Sukoon-o-Chain Se Baad Mai Jo Kuch Bacha ho Shouk Se Khati Hai Maa

 

Mangti Hi Kuch Nahi Apnai Leye ALLAH Se Apnai Bachoon Ke Leye Daman Ko Phailati Hai Maa

 

De ek bimaar bachche ko duain aur dwa paainti hi rakh kai sar kadmoon pa so jati hai Maa

 

Jane Anjane me hojaye jo bachoan se khusoor Ek anjaani sazaa ke dar se tharrathi hai maa

 

Gar Javan Baiti Ho Ghar Main Aur Koie Rishta Na Ho Ek Naye Ehsas Ki Suli Pe Chard Jati Hai Maa

 

Har Eebadat Har Mohabbat Mai Nihan Hai Ek Gharaz Be-Gharaz, Be-Lous, Har Khidmat Ko Kar Jati Hai Maa

 

Apne bachoan ki bahaar-e-zindagi ke waste Ansooan ke phool har mausam me barsati hai maa

 

Zindigi bhar beenti hai khaar rahe zeest se jate jate naimate firdos de jati hai Maa

 

Bazuwoon Me Khinch Ke Aajayegi Jaise Kayenat Apnai Bachay Ke Leye Bahoon Ko Phailati Hai Maa

 

Ek ek hamle se bachche ko bahanai kai liya Dhall banti hai khabhi talwar baan jati hai Maa

 

Zindagani Ke Safar Me Gardishoon Ki Dhoop Mai Jab Koie Saya Nahi Milta To Yaad Aati Hai Maa

 

Pyar Kehtai Hain Kise Aur Mamta Kya Cheez Hai Koie Un Bachoon Sai Poocheye Jin Ki Mar Jati Hai Maa

 

Pehle dil ko saaf karkai khoob apnai khoon se dharkanoo pa kalma-e-tawheed likh jati hai Maa

 

Safha-e-Hasti Pe Likhti Hai Usool-e-Zindagi Is Liye Ek Maktab-e-Islam Kehlati Hai Maa

 

Us Nayi Duniya Ko Diye Masoom Rahber Is Leye Azmatoon Me Sani-e-Quran Kehlati Hai Maa

 

Ghar Se Jab Pardes JaTa Hai Koie Noor-e-Nazar Haath Main Qur'an Le Kar Dar Pe Aajati Hai Maa

 

De Ke Bachay Ko Zamanat Main Raza-e-Pak Ki Peechay Peechay Sar Jhookaye Door Tak Jaati Hai Maa

 

Kanpti Aawaz Sai Khaiti Hai "Baita alwida" Samne Jab Tak Rahe Haatoon Ko Lehrati Hai Maa

 

Ris ne lagta hai poranai zakhm se taza lahoo Hasratoon ki bolti tasveer ban jati hai Maa

 

Jab Parayshani Me Ghir Jate Hain Hum Pardes Me Aansuwoon Ku Poanch Ne Khwaboon Main Aajati Hai Maa

 

Lout kai wapas safar se jab bhi ghar aate hain hum Daal kar bahain gale main sar ko sehlati hai Maa

 

Aisa lagta hai kai jaise aagai firdoos main bhinch kar bahoon main jab seenai se liptati hai Maa

 

Dair Ho Jati He Ghar Aane Main Aksar Jab Hamain Rait Per Machli Ho Jaisay Aisay Ghabrati Hai Maa

 

Marte Dam Bacha Na aapaya agar Pardes Se Apni Donoo Putliyaan Chokhat Pe Rakh Jati Hai Maa

 

Baad Mar Janai Ke Phir Baite Ki Khidmat Ke Leye Bhes Beti Ka Badal Kar Ghar Main Aajati Hai Maa

 

Hum balaoon main kahin ghirtai hain to be iktiyaar khair ho bachche ki kah kai dar pa aa jati hai Maa

 

Door ho jata hai jab aankhoon se godi ka pala Dil ko hathoon se pakar kai ghar ko aa jati hai Maa

 

Doosrai hi din se rahti hai khatoon ki muntazir Dar pa aahat ho hwa se bhi to aa jati hai Maa

 

Chahe hum khushyoun me maa ko bhool jayen doasto Jab musibat sar pe aati hai tho yaad aati hai maa

 

Door Ho Jati Hai Sari Omr Ki Us Dum Thakan Biyah Kar Betay Ka Jab Ghar Bahu Lati Hai Maa

 

Cheen lati hai wohi aksar sukoon-e-zindagi Pyar se dhulhan bana kar jis ko ghar lati hai maa

 

Phair laitai hai nazar jis waqt baita aur bahu ajnabi apne hi ghar hai baan jati hai Maa

 

Hamne ye bhi tho nahi soachan alaag hone ke baad Jab diya hi khuch nahi ham ne tho kya khati hai maa

 

Zabt tho dakho ke itni berukhi ke baujood Bad dua deti hai hargis aur na pashtati hai maa

 

Allah Allah bhool kar ek sitam ko raat din pooti poote se shakista dil ko behlati hai Maa

 

Baita kitna hi bora ho par parosan kai hozoor Rook kar jazbaat ko baitai kai gun gati hai Maa

 

Shadiyaan kar kar kai bachche ja basai pardes mai Dil khatoon se aur tasveeron se bahlati hai Maa

 

Apne sinai par rakhai hai kainatai zindigi Ye zamin is wastai ae dost kahlati hai Maa

 

Saal bhar me ya khabhi hafte me jumeraat ko Zindagi bhar ka sila ek Fateha pati hai maa

 

Gumraahi ki gard jam jai na merai chand par Barishe imaan main yoon roz nehlati hai Maa

 

Apne pehlu me lita kar roz thouthe ki tarha Eik barah panch chouda ham ko ratwati hai maa

 

Umr bhar ghafil na hona matame Shabbir se Raat din apne amal se hamko samjati hai maa

 

Martaba maa ka ho zahir is liye firdos se apne bachchon kai liya poshaaq mangwati hai Maa

 

Yaad aata hai shab-e-ashoor ka kadyal jawan Jab khabi uljhi huyi zulfon ko suljhati hai maa

 

Sab se pehle jaan dena Fatima ke lal par Raat bhar Aun-o-Mohd ko ye samjhati hai maa

 

Jab talak ye haath hai humsheer bai parda na hoo Ek bahadur bawafa baitai se farmati hai Maa

 

Nawjawan baita agar dam toor de agoosh main Zindigi bhar sar ko diwaroon se takrati hai Maa

 

Fatima ke lal par qurban kar ne ke liye Baandh kar sehra jawan bete ko leati hai maa

 

khoon mai dobai hue aatai hai jab sahrai kai phool Ek ek tookre ko apne dil se liptati hai Maa

 

Laashe Qasim par kaha zinda rahi to awoongi Ab to sooai Shaam dolhan ko liya jati hai Maa

 

Laash par baite ki parhti hai jawai marsiya shukr ka sajda is alam main baja lati hai Maa

 

Allah Allah ithehade sabre Laila-o- Hussain Baap ne khenchi sinah, sine ko sehlati hai maa

 

Ye bata sakti hai hum ko bus Rabab-e-Khastatan Kis tarha bin doodh ke bache ko behlati hai maa

 

Bhej kar bachche ko tiroon main sookone qalb se phir shahadat kai liya daman ko pehlati hai Maa

 

De apne lal ko islam ki agoosh main God khali phir soe janat paltjati hai maa

 

Shimr ke khanjar se ya sukhe gale se puchiye "Maa" idhar mun se nikalta hai udhar aati hai maa

 

Aysa lagtha hai kisi maqtal se ab bhi waqte asr Ek burida sar se "pyasa hoon" sada aati hai "maa"

 

Apne gam ko bhool kar rothe hain jo Shabbir ko Un ke ashkoan ke liye Jannat se aajati hai maa

 

Jin ko pala tha parai ghar paka kar rootiyan Uf unhin bachchon pa ek boojh ban jati hai Maa

 

Gegriyaan dilwaen jin,apne arman baich kar Ab unhin ki biwiyoon ki jhirkiyaan khati hai Maa

 

Jin ko fursat hi nahin, un ki khoshi kai wastai zindigi main jane kitni baar mar jati hai maa

 

dastai gurbat main tayammom kar kai jalti rait par zindigi laash ko zakhmoon se dafnati hai maa

 

baikasi aesi ho ek boond bhi pani na hoo aansoonwon par fateha bachchon ki dilwati hai maa

 

sab ko daiti hai sokon aur khud gamon ki dhoop main rafta rafta barf ki surat pighal jati hai maa

 

Umr bhar rakhkhe rahi sar par zarorat kai pahar thak gayiin saanse to ab aaram farmati hai maa

 

jo zaban par bhi na aye dil main ghut kar rah gaye Aise kuch armaan apne saath lai jati hai maa

 

jin ko parnai kai liye bachchon ko fursat hi nain Ek din wo ajnabi tareekh ban jati hain maa

 

aisa bhi hota hai bachcha boojh lagta hai isse jab nai tehzeeb kai sanche main dhal jati hai maa

 

bachcha aya ko diya,aur khud culb ko chal parin Ho gaya bachcha jab awaara to pachtati hai maa

 

Nawkaroon ki goodiyon main parwarish jin ki hui ayse bachchon ki mohabbat ko taras jati hai maa

 

Ek hi ghar hai jahankhidmat ka ye badla mila Khadima hote hua bhi fizza kahlati hai maa

 

baatai karti jo bachche ko lita kar good main phool se jharte hai ayse totlati hai maa

 

Apan dookh aulaad ko zahir kabhi karti nahin Dekh kar khamoosh bachche ko tarap jati hai maa

 

zindigi bhar khush rahe bachcha mera ye soch kar Achchi se achchi bahu khud doond kar lati hai maa

 

Umr bhar rootai hain wo maa ki ziyarat kai liya Jin kai aate hi jhan se khud chali jati hai maa

 

zindigi un ki batakti rooh kai manind hai Un ko har aason kai katrai main nazar ati hai maa

 

baade gurbat zindigi main aeshoon isshrat jab milai Bus khuda hi janta hai kitna yaad ati hai maa

 

ghar jab koi khushi hio roshni ki shakl mai palki main aasonwon ki baith kar ati hai maa

 

kar hi diata hai borapa ghar kai konai main aseer qaide tanhaiin ki ek tasveer ban jati hai maa

 

jab sunayi deta hai uncha, nazar ata hai kam Muskorati hai khabhi ashkon ko barsaati hai maa

 

jab kabhi thookar lagi,aur moonh kai bal bachcha gira "Ya Ali Mola madad" kahti hui ati hai maa

 

jane kaisa rabt hai maa aur Ali kai darmiyaan "Ya Ali" bachcha pukarai , aur aajati hai Maa

 

Piada hotahi taras jaiin jo maa kai payar ko dekh kar auron ki maain un ko yaad ati hai maa

 

ghair le charon taraf se jab masaib kai hojoom yaad ata hai Khuda ya yaad ati hai maa

 

Maa kai martai hi jo Abba dosri shadi karain zulm par sootaili maa kai rooz yaad tai hai maa

 

Haan koi sotaili maa gar khadima khud ko kahe har amal main us kai bachchon ko nazar ati hai maa

 

Rooh main paiwast karti hai ataat aur wafa Bazwoon par zainab o Shabbir likh jati hai Maa

 

zindigi aisa tamasha bhi dikhta hai kabhi Ghar main atai hi bahu kai khud chali jati hai maa

 

Ghar kai aagan main jo ho jati hai diwarai khari kitne hi hisson main sad afsos bat jati hai maa

 

Baap aur bachchon main ho jata hai jab bhi iktelaaf kis taraf jai? ajab uljhan main par jati hai maa

 

"Dood ho jaa kar kahin mar" kah to deti hai magar Shaam kai hotai hi darwaze pa ajti hai maa

 

Sar jhokai gam zada bachcha idhar aya nazar dor kar bachchai ko ghar main khud bula;ati hai maa

 

Har taraf khatra hi khatra ho to apne lal ko Rakh kai ek sandook main darya ko de ati hai maa

 

Dar naya diwar main banta hai istakbal ko Khana-e Kaba kai jab nazdeek jati hai maa

 

Laine ate hai jo moulana ijazat aqd ki ghar main jati hai khabhi aagan main aajati hai maa

 

Shoor hota hai mobarak baad ka jab har taraf Be tahasha shukr kai sajda main gir jati hai maa

 

poocn kar aason dupatai se, chupa kar dard ko lai kai ek toofaan baiti se lipat jati hai maa

 

choom kar matha,kabhi sar aur kabhi daikar dua kuch usoolai zindigi baiti ko samjhati hai maa

 

hotai hi baiti ki rhokhsat maamta ai josh main apni baiti ki saheli se lipat jati hai maa

 

choor kar ghar bar jo susral main rahnai lage apne us baitai ki surat ko taras jati hai maa

 

kar kai shadi doosri shohar jo ho jai alag khoon ki ek ek boond bachche ko pila jati hain maa

 

cheen le shohar jo bachche, de kai biwi ko talaq haath khali, good khali hai rah jati hai maa

 

Subha darzi laaiga kaprai tumharai wastai eid ki shab bachchon ko ye kah kai bahlati hai maa

 

Martaba maa ka zamana dekh le paishe khuda is liya fidos se poshaaq mangwati hai maa

 

ungliyaan bachchon ki thamai apne bhai kai hozoor bahrai kurbanijigar paron kokhud lati hai maa

 

koi un bachchon se ponchai kiya hai shadi ka maza biyah ki tariqh rakh kai jin ki mar jati hai maa

 

haal dil ja kar suna detai hai masooma ko wo Jab kisi bachche ko apne Qum main yaad ati hai maa

 

jab lipat kar rozai ki jali se rota hai koi aesa lagta hai kai jaise sar ko sahlati hai maa

 

bhook jab bachchon ki aankhoon se ura daiti hai neend raat bhar qisse kahani kah kai bahlati hai maa

 

sab ki nazrain jaib par aur ek nazar hai pait par dekh kar chehrai ko hale dil samajh jati hai maa

 

kamsini mai jo bichar jata hain bachche baap se Doondnai kufai kai bazaroon main aa jati hai maa

 

Zarra zarra hai wahan ki khak ka khake shifa jhaar kar baloon se itna paak kar jati hai maa

 

apne hi ghar kai daroon diwar dushman hon to phir maar di jati hai ,ya tank aa kai mar jati hai maa

 

Dil ka jab nasoor ban jata hai ye zakhme jahez tail matti ka chirak kar hai mar jati hai maa

 

Zindigi dushwaar kar deta hai jab ye zalim samaj zahar bachchon ko khilakai,khud bhi mar jati hai maa

 

juz khuda us dard ko koi smajh sakta nahin kis liye akhir chita kai bhaint char jati hai maa

 

Shukriya ho hi nahi sakta khabhi us ka ada Marte marte bhi dua jine ki de jati hai maa

 

Baikasi aysi kai ek boond bhi pani nahin Ashkk behrai fateha ankhoon main bhar lati hai maa

 

Door kar bachche lipta jate hai us romal se lai kai majlis se tarruk ghar main jab ati hai maa

 

jate jate bhi azadriye shahe karbala jo mili Zainab se wo miras de jati hai maa

 

Muddatoon godi main le kai, kar kai matam shah ka Majlison main baitnai ka dhang sikhlati hai maa

 

apne seenai par rakhe hai qainatai zindigi Karbala is waste momin ki khlati hai maa

 

Chahe jab chahe jahan koi kare zikr-e- hussain choor kar jannat ko us majlis mai aa jati hai maa

 

Umr bhar deti hai bachcho ko gulami ka sabaq apne bachchn ko wafa kai naam kar jati hai maa

 

jab talak ye haath hai humsheer beparda na hoo ek bahadur bawafa baitai se farmati hai maa

 

jab sunani laikai ata hai madine main bashir doonon hathoon se qmar thame huae ati hai maa

 

charoo baitoon ki shahadat ki khabar jis dam suni apne pakeeza lahu par faqr farmati hai maa

 

jis kai tukroon par pala ho sara madina muddatoon us ki baiti ko har faaqe pa yaad ati hai maa

 

deen par jab waqt parta hai to sehrai ki jagah behrai qurbani kafan bachchon ko pahnati hai maa

 

Dopahar main apna jo sab kuch luta de deen par wo bahadur sherdil khatoon kahlati hai maa

 

farz jab awaz deta hai to aasoon poonch kar Choor kar bachchon kai laashe Shaam ko jati hai maa

 

Baikasi bhi chenkh uththiaghir dayar-e-Shaam main Adh jale kurtai main jab bachchi ko dafnati hai maa

 

kis ne toori hai dil-e-Quran-e-natiq main sina zakhmai naiza dekh kar seenai pa chillati hai maa

 

teer kha kar muskorata hai jo run main be zaban Marhaba kahtai hue sajde main gir jati hai maa

 

samne ankhoon kai niklai gar jawan baite ka dam zindigibhar sar ko diwaron se takrati hai maa